આગામી વર્ષે પાંચ વર્ષના ગાળા બાદ રાજયમાં વાઈબ્રન્ટ ગુજરાત ગ્લોબલ ઈન્વેટર્સ સમીટ યોજાશે.જે આગામી 11-13 જાન્યુઆરી 2024ના રોજ યોજાશે.જેમા છેલ્લે વર્ષ 2019માં વાઈબ્રન્ટ સમીટ યોજાઈ હતી તે બાદ કોરોના આવતા આ પ્રકારના આયોજનો મુલત્વી રાખવામા આવ્યા હતા. જેમાં વર્તમાનમાં પરીસ્થિતિ સામાન્ય બનતા આગામી વર્ષે વાઈબ્રન્ટ સમીટ યોજવા નિર્ણય લેવાશે અને આગામી જુલાઈ માસથી આ માટે દેશ વિદેશમાં રોડ-શો સહિતની તૈયારી થશે.આમ વર્ષ 2024નો વાઈબ્રન્ટ સમીટ એ લોકસભા ચુંટણી પુર્વેનો મેગા શો બનાવવાની તૈયારી છે.જેમાં અમેરિકા સહિતના તમામ મુખ્ય દેશો ઉપરાંત ગલ્ફ અને આફ્રિકન દેશોનું પણ પ્રતિનિધિત્વ વધતું જોવા મળશે.રાજય સરકારે આ માટે રૂા.127 કરોડનું બજેટ પ્રાથમીક રીતે મંજુર કર્યુ છે.
