આઈપીએલની 2022ની સિઝનમાં આ વખતે 10 ટીમો ભાગ લેવાની છે. જેમાં અગાઉની આઠ ટીમ ઉપરાંત અમદાવાદ અને લખનઉની ટીમો ઉમેરાઈ છે. ત્યારે અમદાવાદની ટીમ તરફથી રમવા માટે ઓલરાઉન્ડર હાર્દિક પંડયાને એક સિઝનના રૂ.15 કરોડ મળશે.આગામી એપ્રિલથી રમાનાર આઈપીએલ-2022 માટે સીવીસીએ તેના ટીમ ફોરમેશનની તૈયારી કરી દીધી છે.જેમાં નિયમ મુજબ અન્ય આઠ ટીમોમાંથી હરાજી માટે રીલીઝ થયેલા ખેલાડીઓમાંથી ત્રણ ખેલાડીઓ આ બે નવી ફ્રેન્ચાઈઝી સીધા જ ખરીદી શકે.સી.વી.સી. કેપિટલે અમદાવાદની ટીમ માટે ત્રણ ખેલાડીઓ હાર્દિક પંડયા,અફઘાનિસ્તાનના સ્પિનર રાશિદ ખાનને રૂ.15-15 કરોડમાં જ્યારે ત્રીજા ખેલાડી તરીકે શુભમન ગીલને રૂ.7 કરોડમાં ખરીદ્યો છે.હાર્દિક પંડયા અમદાવાદ ટીમનો કેપ્ટન પણ બનશે તે લગભગ નિશ્ચિત છે.આ ઉપરાંત ભૂતપૂર્વ ફાસ્ટ બોલર આશિષ નહેરા,ગેરી કર્સટન અને ડાયરેકટર વિક્રમ સોલંકી કોચિંગ ટીમમાં નિયુક્ત થયા છે.
