દવાઓ : બ્રિટનમાં બાળકો માટે વપરાતી દવાઓ ખૂટી પડવાની શક્યતા જોવા મળી

મોસમમાં થતા ફેરફારના કારણે લોકોમાં બીમારીનું જોખમ વધી જાય છે.જેમાં શરદી-ખાંસી અને તાવ જેવી બીમારી સૌથી વધુ જોવા મળે છે.જેમાં એક વર્ષથી નીચેના બાળકોને ડોક્ટર આ રોગોની દવાઓ આપવાનું ટાળતા હોય છે.ત્યારે આ રોગો માટેની દવાઓના વિકલ્પો પણ ખુબ ઓછા જોવા મળે છે.જેમા નાના બાળકોને તાવમાં પેરાસિટામોલ અથવા કાલપોલ જેવી દવાઓ આપવામાં આવે છે.પરંતુ વિશ્વમાં એક એવો દેશ છે જેને આ દવાઓને લઈને ચેતવણી જારી કરી છે.જેમાં શોર્ટેજના કારણે આ દવાઓ કોઈપણ મેડિકલ સ્ટોર પર નથી મળી રહી.ત્યારે દેશમાં કાલપોલ,ગાવિસ્કો અને લેમસિપ જેવી દવા કંપનીનો સ્ટોક સમાપ્ત થવાનો છે.ત્યારે આવી સ્થિતિમાં બાળકોને ફ્લુ થાય છે તો તેમની સારવાર કરવી ખુબ મુશ્કેલ થઈ જશે.દેશમાં ઘણી ફાર્મેસી અને કેમિસ્ટસ પાસે દવાઓની શોર્ટેજ ચાલી રહી છે તેમાં લિક્વિડ પેરાસિટામોલ અને આઈબૂપ્રોફેન સામેલ છે.આ દવાઓ બાળકોને ફ્લુમાં આપવામાં આવે છે.ત્યારે આ દવાઓનું શોર્ટેજ આમ જ ચાલતું રહેશે તો ભવિષ્યમાં બાળકોની સમસ્યા વધી શકે તેમ છે.ત્યારે દવાના અભાવના કારણે સારવારમાં વિલંબ થશે જેના કારણે બાળકોનું જીવન પણ જોખમમાં મુકાઈ શકે છે.