ઈંગ્લેન્ડના ક્રિકેટરો બેરસ્ટો,મલાન અને ક્રિસ વોક્સે યુએઈમા આગામી 19મી સપ્ટેમ્બરથી શરૂ થઈ રહેલી આઇપીએલમાંથી ખસી જવાનો નિર્ણય લીધો છે. જેમાં યુએઈની સરકારે આઇપીએલમાં રમવા આવનારા ખેલાડીઓ અને ઓફિસિઅલ્સ માટે 6 દિવસના ક્વોરન્ટાઈનનો નિયમ બનાવ્યો છે. ત્યારે આ ખેલાડીઓએ અંગત કારણોસર આઇપીએલમાં ન જોડાવાની જાહેરાત કરી છે. જેમાં બેરસ્ટો સનરાઈઝર્સ હૈદરાબાદની ટીમમાં સામેલ છે, જ્યારે ઓલરાઉન્ડર ક્રિસ વોક્સ દિલ્હી કેપિટલ્સ ટીમમાં જોડાયેલો છે. ત્યારે ઈંગ્લેન્ડના આ ખેલાડીઓ ટી-20 વર્લ્ડકપની ટીમમાં પણ સામેલ છે. તેમને ત્યારબાદ એશિઝમાં પણ પસંદ કરવામાં આવે તેવી શક્યતાઓ છે. જેના કારણે તેમને આરામ કરવા માટે આઇપીએલમાથી પડતા મૂક્યા હોય તેવી શક્યતાઓ છે.
