પ્રથમ ટેસ્ટ મેચમાં ન્યુઝીલેન્ડ વિરુદ્ધ સાત વિકેટ લેનારા ઈંગ્લેન્ડના બોલર ઓલી રોબીન્સન કરિયરની બીજી મેચ પહેલા આંતરરાષ્ટ્રીય ક્રિકેટમાંથી સસ્પેન્ડ થઈ ગયો છે.જેમાં તેના સસ્પેન્સનનું કારણ સોશ્યલ મીડિયા બન્યું છે.સાત-આઠ વર્ષ પહેલાં સોશ્યલ મીડિયા પર કરેલી એક પોસ્ટે તેની મુશ્કેલી વધારી છે.ઈંગ્લેન્ડ એન્ડ વેલ્સ ક્રિકેટ બોર્ડે રોબીન્સન સામે ચાલી રહેલી તપાસનું પરિણામ ન આવે ત્યાં સુધી તેને ઈન્ટરનેશનલ ક્રિકેટના તમામ ફોર્મેટમાંથી સસ્પેન્ડ કરી દીધો છે.ત્યારે ગુરૂવારથી ન્યુઝીલેન્ડ વિરુદ્ધ એજબેસ્ટનમાં શરૂ થનારી બીજી ટેસ્ટ મેચમાં રમશે નહી.આમ આ ખેલાડી દ્વારા રમવામાં આવેલી પ્રથમ ટેસ્ટમાં તેણે 7 વિકેટ મેળવી હતી સાથે જ ઈંગ્લેન્ડની પ્રથમ ઈનિંગમાં 42 રન પણ બનાવ્યા હતા.
