ગુજરાત હાઇકોર્ટના કાર્યકારી ચીફ જસ્ટીસ એ.જે.દેસાઇના વરદહસ્તે પાલનપુર કોર્ટ સહિત રાજ્યના 11 જિલ્લાઓમાં લીગલ એડ ડિફેન્સ કાઉન્સીલ ઓફિસનો વર્ચ્યુઅલી પ્રારંભ કરવામાં આવ્યો હતો.ત્યારે આ પ્રસંગે જિલ્લા અદાલતના ન્યાયધીશો અને લીગલ સ્ટાફ ઉપસ્થિત રહ્યો હતો.ત્યારે આ બાબતે બનાસકાંઠા જિલ્લા કાનૂની સેવા સત્તામંડળ,પાલનપુરના સચિવ પી.પી.શાહે જણાવ્યુ હતું કે નેશનલ લીગલ સર્વિસ ઓથોરેટી નાલ્સા અને સ્ટેટ લીગલ સર્વિસ ઓથોરેટી સાલ્સાના આદેશ અનુસાર બનાસકાંઠા જિલ્લામાં પાલનપુર ખાતે તેમજ બીજા 11 જિલ્લામાં લીગલ એડ ડીફેન્સ કાઉન્સીલ એલ.એ.ડી.સીની ઓફીસ શરૂ કરવામાં આવી છે.જેમાં આર્થિક રીતે નબળા વર્ગના લોકો,મહિલાઓ,અનુસૂચિત જાતિ અને અનુસૂચિત જનજાતિના લોકોને મફત કાયદાકીય સહાય મળી રહે તે માટે ઓફિસ શરૂ કરવામાં આવી છે.જેમાં ચીફ લીગલ એડ ડીફેન્સ કાઉન્સીલ,ડેપ્યુટી ચીફ લીગલ એડ કાઉન્સીલ અને આસીસ્ટન્ટ લીગલ એડ કાઉન્સીલની નિમણુંક કરવામાં આવેલી છે.
