ગુજરાત માધ્યમિક અને ઉચ્ચતર માધ્યમિક બોર્ડ દ્વારા નવા વર્ષનું શૈક્ષણિક કેલેન્ડર જાહેર કરવામાં આવ્યુ છે.જેમાં વર્ષ 2023-2024નું કેલેન્ડર જાહેર કરી દેવામાં આવ્યું છે.વર્ષ 2023-24ની પૂરક પરીક્ષા,પ્રિલિમ પરીક્ષા તેમજ વાર્ષિક પરીક્ષાની તારીખો જાહેર કરવામાં આવી છે.આ સિવાય દિવાળી અને ઉનાળુ વેકેશન સહિત તમામ તારીખો જાહેર કરી દેવામા આવી છે.ત્યારે નવા શૈક્ષણિક કેલેન્ડર મુજબ શાળાઓનું પ્રથમ સત્ર આગામી 5મી જૂનથી શરૂ થશે.જેમાં 9 સપ્ટેમ્બર થી 29 સપ્ટેમ્બર દિવાળી વેકેશન રહેશે જે દિવાળી વેકેશન 21 દિવસનું રહેશે.આગામી સત્રમાં સમગ્ર વર્ષ દરમિયાન શાળામાં 19 રજાઓ મળવાપાત્ર રહેશે.આ સત્રમાં બોર્ડની પરીક્ષા આગામી 11 માર્ચ 2024 થી 28 માર્ચ 2024 સુધી લેવામાં આવશે,જ્યારે શાળાકીય પરીક્ષા આગામી 8 એપ્રિલ 2024થી યોજવામાં આવશે અને ઉનાળુ વેકેશન આગામી 6 મે 2024થી 35 દિવસનું રહેશે.આ સિવાય ધો.12 સાયન્સની પ્રાયોગિક પરીક્ષા આગામી 19 ફેબ્રુઆરીથી શરૂ થશે જ્યારે પ્રથમ સત્રની પરીક્ષા આગામી 3 ઓક્ટોબરથી લેવામાં આવશે.જ્યારે બીજા સત્રનો પ્રારંભ આગામી 30 નવેમ્બરથી શરૂ થશે.
