કોરોના સામેની લડાઈમાં ભારતને વધુ એક હથિયાર મળ્યું છે.જેમાં સ્વદેશી કંપની Zydus Cadilaએ પોતાની કોરોના વેક્સિન ZyCov-Dનો સપ્લાય શરૂ કરી દીધો છે.આ વેક્સિન 12 વર્ષ અને તેના કરતાં વધુ ઉંમરના લોકોને આપવામાં આવશે.ભારતમા 18 વર્ષથી વધુ ઉંમરના લોકોને જ આપવામાં આવશે.આ વેક્સિનની વાત એ છે કે તેમાં સોયનો ઉપયોગ નથી થતો.આ વેક્સિન નીડલ ફ્રી વેક્સિન છે.આ ઉપરાંત વેક્સિન 3 ડોઝવાળી છે,જે તેને બાકીની વેક્સિનથી અલગ પાડે છે.કેન્દ્ર સરકારે ગત વર્ષે ઓગષ્ટ મહિનામા ઝાયડસ કેડિલાની વેક્સિન ઝાયકોવ-ડીને મંજૂરી આપી હતી.આ વેક્સિનના 3 ડોઝ 28-28 દિવસના અંતરથી આપવામાં આવશે.જેમાં પ્રથમ ડોઝ બાદ બીજો ડોઝ 28 દિવસ બાદ જ્યારે ત્રીજો ડોઝ 56 દિવસ બાદ આપવામાં આવશે.કેન્દ્ર સરકારે આ વેક્સિનના 1 કરોડ ડોઝ ઓર્ડર કર્યા હતા અને કંપનીએ તેનો સપ્લાય શરૂ કરી દીધો છે.જે વેક્સિન વર્તમાનમાં સરકાર તરફથી ફ્રીમાં આપવામાં આવશે.જેમાં કંપનીએ તેના એક ડોઝની કિંમત રૂ.265 રાખ્યા છે અને તેના સિવાય દરેક ડોઝ પર રૂ.93નો જીએસટી પણ લાગશે ત્યારે એક ડોઝની કુલ કિંમત રૂ.358 હશે.
