તુલસીદાસ જુનિયર ફિલ્મ માટે વરૂણને રાષ્ટ્રપતિ દ્રોપદ્રી મૂર્મૂને હસ્તે બેસ્ટ ચાઈલ્ડ એકટરનો એવોર્ડ એનાયત થયો છે.આમ નેશનલ એવોર્ડ વિનર અને ગુજરાતી કલાકાર વરૂણ બુદ્ધદેવની આ વર્ષે પાંચ ફિલ્મો રીલીઝ થઈ રહી છે.વરૂણ બુદ્ધદેવ હિન્દી સિનેમા અને ટેલિવિઝન સિરિયલો માટે જાણીતો છે.આ ફિલ્મમાં તેણે બોલિવુડના મુન્નાભાઈ સંજય દત સાથે કામ કર્યું છે.વરૂણે 8 વર્ષની ઉંમરે ટીવી કોમર્શિયલથી તેની કારકિર્દીની શરૂઆત કરી હતી અને બાદમાં તે ઘણી ટીવી જાહેરાતો,ટીવી સિરિયલો,ફિલ્મો અને વેબ-સિરીઝ માટે પસંદ કરવામાં આવ્યો હતો.વરૂણ આજ સુધી લગભગ 100 જેટલી એડવર્ટાઈઝ,10 ફિલ્મ અને 5 સિરીયલમાં કામ કરી ચૂક્યો છે.આ સિવાય તેણે પૃથ્વીરાજ ફિલ્મમાં યુવા શીર્ષક પાત્રની ભૂમિકા ભજવી હતી.
