ભારતીય પ્રવાસીઓ પર પ્રતિબંધ : ઈટાલી,જર્મની અને માલદીવ સહિતના દેશોએ ભારતીય પ્રવાસીઓ પર પ્રતિબંધ મુકયો

ભારતમાં કોરોનાના સંક્રમણ વચ્ચે વિશ્વના જુદા-જુદા દેશો ભારતીય પ્રવાસીઓ તથા વિમાની ઉડ્ડયનો પર પ્રતિબંધ મુકવા કે નિયંત્રણો લગાવવા લાગ્યા છે.ત્યારે જર્મની,ઈટાલી તથા માલદીવે ભારતીય પ્રવાસીઓની નો-એન્ટ્રી કરી દીધી છે,જયારે નેધરલેન્ડ દ્વારા ભારતની ફલાઈટ રદ કરવામાં આવી છે.આમ જર્મનીએ માત્ર પોતાના નાગરિકો તથા રેસીડન્ટ પરમીટ ધરાવનારા લોકોને જ આવવા દેવાનું જાહેર કર્યુ છે.જ્યારે ઈટાલીએ માત્ર ભારતીય પ્રવાસીઓ જ નહીં પરંતુ છેલ્લા 14 દિવસ ભારતમાં હોય તેવા અન્ય કોઈપણ વિદેશી નાગરિકના પ્રવેશ પર પ્રતિબંધ લગાવ્યો છે.

આ સિવાય ઈટાલીયન નાગરિકો પણ નેગેટીવ રીપોર્ટ સાથે જ જઈ શકશે તેમજ કવોરન્ટાઈન થવુ પડશે.આ પ્રકારે માલદીવ દ્વારા પણ ભારતીય પ્રવાસીઓ પર પ્રતિબંધ મુકાયો છે.જેમાં છેલ્લા કેટલાક દિવસોમાં બ્રિટન,સંયુક્ત આરબ અમીરાત,કુવૈત,ઓમાન,હોંગકોંગ,સાઉદી અરેબીયા,સિંગાપોર તથા ઈન્ડોનેશિયાએ પણ નિયંત્રણો જારી કર્યા હતા.