મુંબઈની લાઈફલાઈન માનવામાં આવતી મુંબઈ લોકલમાં આધુનિક તંત્રજ્ઞાન વાપરવાનો નિર્ણય ભારતીય રેલવેએ લીધો છે.જે માટે કેન્દ્રીય બજેટમાં 2.5 કરોડની જોગવાઈ કરવામાં આવી છે.મુંબઈ સબર્બન લોકલમાં વિમાનના બ્લેક બોક્સ પ્રમાણે ઓડિયો-વિઝ્યુઅલ રેકોર્ડિંગ સિસ્ટમ બેસાડવામાં આવશે.વર્ષ 2022-23ના કેન્દ્રીય બજેટમાં લોકલ ટ્રેનની આ સિસ્ટમ માટે રેલવે મંત્રાલયે આર્થિક ભંડોળની જોગવાઈ કરી છે.જેમાથી સેન્ટ્રલ અને વેસ્ટર્ન રેલવેની લોકલ ટ્રેનોમાં આ સુવિધા ઉપલબ્ધ કરવામાં આવશે.આ સાથે જ લોકલ ટ્રેનની બહારની બાજુએ સીસીટીવી પણ બેસાડવામાં આવશે.મુંબઈ વિભાગમાં વેસ્ટર્ન રેલવેએ અત્યારસુધીમાં 25 ટ્રેનમાં આ સિસ્ટમ બેસાડી છે.જ્યારે અન્ય તમામ ટ્રેનમાં આ સિસ્ટમ બેસાડતાં ડિસેમ્બર મહિના સુધીનો સમય લાગશે.
