શાહરૂખ ખાન ડબલ રોલ ભજવશે : આગામી ફિલ્મમાં શાહરૂખખાન ડબલ રોલમાં જોવા મળે તેવી શક્યતા જોવા મળી

દિગ્દર્શક એટલીની ફિલ્મમાં શાહરૂખ ખાન ડબલ રોલમાં કામ કરવાનો છે. જેમાં તે પિતા-પુત્રના રોલમાં જોવા મળશે. તેમજ આ ફિલ્મમાં તેનું એક પાત્ર નેગેટિવ છે. આમ શાહરૂખ પોતાની કારકિર્દીમાં નવમી વખત નેગેટિવ રોલમાં જોવા મળશે. એટલીની ફિલ્મ લાયનમાં શાહરૂખ ખાન ડબલ રોલમાં પિતા-પુત્રના પાત્રમાં જોવા મળવાનો છે. જેમાં તેના પુત્રનું પાત્ર એક મેટ્રો ટેનને હાઇજેક કરે છે. શાહરૂખની દીપિકા પાદુકોણ અને જોન અબ્રાહમ સાથેની ફિલ્મ પઠાનનું શૂટિંગ પણ વર્તમાનમાં સ્થગિત થઇ ગયું છે. આમ દીપિકા વર્તમાનમાં પોતાની આવનારી ફિલ્મ ગહરાઇના પ્રમોશનમાં વ્યસ્ત છે. જોકે દીપિકાએ પોતાના હિસ્સાનું શૂટિંગ પુરુ કરી નાખ્યું છે. ફક્ત સ્પેનમાં બે-ત્રણ દ્રશ્યોના શૂટિંગ બાકી છે. દીપિકા ત્યાં શાહરૂખ સાથે એક સોન્ગ સીકવન્સનું શૂટિંગ કરશે.