દેશમાં એક બાદ એક રાજય અને મહાનગરોમાં કોરોનાના સતત વધતા જતા કેસ વચ્ચે દિલ્હીમાં પણ આજથી નાઇટ કફર્યુ લાદવામાં આવ્યું છે.જે આગામી 30 એપ્રીલ સુધી રાત્રીના 10 થી સવારના પ સુધીનું રહેશે.જેમાં રાજયના મુખ્યમંત્રી અરવિંદ કેજરીવાલે જાહેરાત કરી હતી કે સંક્રમણને ડામવા માટે અન્ય કોઇ વિકલ્પ ન હોવાથી નાઇટ કફર્યુના અમલથી સંક્રમણને કાબુમાં લેવાનો પ્રયત્ન થશે.દિલ્હીમાં આ ઉપરાંત સરકારે સવારે 9 થી સાંજના 9 વચ્ચે વેકસીનેશન પ્રક્રીયાને અમલી બનાવી હતી.ત્યારે હવે વર્તમાન વેકસીનેશન સેન્ટરના ત્રીજા ભાગના સેન્ટરો 24 કલાક ખુલ્લા રહેશે તેવી જાહેરાતના કલાકોમાં જ નાઇટ કફર્યુ લાદી દેવામાં આવતા આ સેન્ટરો ખુલ્લા રહેવા અંગે પ્રશ્ન સર્જાયો છે.
