ઈસરોએ વર્ષ 2021ના પોતાના પહેલાં મિશનમાં સફળતા મેળવી છે.જેમાં ઈસરોએ રવિવારે સવારે 10.24 વાગ્યે આંધ્રપ્રદેશના શ્રીહરિકોટાના સતીશ ધવન અંતરિક્ષ સેન્ટરથી PSLV-C51ને લોન્ચ કર્યું છે.જેમાં PSLV-C51 અમેઝોનિયા-1 અને અન્ય 18 સેટેલાઈટ લઈને અંતરિક્ષમાં ગયા છે.આમ ઈસરો તરફથી PSLV-C51,PSLVનું 53મું મિશન છે.આ રોકેટ દ્વારા બ્રાઝિલના અમેઝોનિયા-1 ઉપગ્રહ સાથે 18 અન્ય ઉપગ્રહને પણ અંતરિક્ષમાં મોકલવામાં આવ્યા છે.જેમાં આ વખતે સેટેલાઈટ સિવાય ભગવતગીતાની એક ઈલેક્ટ્રોનિક કોપી પણ અંતરીક્ષમાં મોકલી છે.આમ અમેઝોનિયા-1 અમેઝોન ક્ષેત્રમાં જંગલમાં વનોની કાપણી પર નજર રાખવા અને બ્રાઝિલ માટે વિવિધ કૃષિના વિશ્લેષણ માટે ઉપયોગકર્તાને દુરસ્થ સંવેદી આંકડા ઉપલબ્ધ કરાવશે. તેમજ વર્તમાન માળખાને મજબૂત બનાવશે.
