કોરોનાની બીજી લહેર વચ્ચે હિમાચલ પ્રદેશની આઈ.આઈ.ટી મંડીના વૈજ્ઞાનિકોએ પીપીઈ કીટ તેમજ માસ્ક માટે એક ફેબ્રિક તૈયાર કર્યું છે જે કોરોના વાયરસને નષ્ટ કરવામાં સક્ષમ હશે.આમ આ પ્રકારના કાપડમાંથી બનેલું એક માસ્ક રૂ.30માં તૈયાર થશે,જ્યારે કીટના કાપડની કિંમત પ્રતિ સ્ક્વેર સેમી રૂ.2.5 થી 3 હશે.આ ફેબ્રિકથી બનાવેલી કીટનો ઉપયોગ સાધારણ કપડાની જેમ વારંવાર કરી શકાશે.જ્યારે તડકામાં રાખવાથી આ મટીરિયલ પોતાની સફાઈ કરવા સક્ષમ બનશે.આમ આઈઆઈટી મંડીની સ્કુલ ઓફ બેઝિક સાયન્સના સંશોધકોએ આ શોધ કરી છે.જેના સંશોધન પ્રમાણે ફેબ્રિકથી બનેલી પીપીઈ કીટ તેમજ માસ્કને 60 વખત ધોવામાં આવે ત્યારબાદ પણ તેની ઉત્તમ એન્ટીબેક્ટેરિયલ ક્ષમતા જળવાઈ રહેશે.આમ આ ફેબ્રિકમાં મોલિબ્ડેનમ સલ્ફાઈડ,એમઓએસ2ના નેનોમીટર આકારની શીટ સામેલ કરવામાં આવી છે.જેની કીનાર અને ખૂણા ચપ્પાની જેમ બેક્ટેરિયા તેમજ વાયરલ પટલનો છેદ કરી તેને મારી નાખે છે.
