ગુજરાતમાં આગામી તા.3ના રોજ રજૂ થનારૂ રાજયનું બજેટ મોબાઇલ પર પણ મેળવી શકાશે. આમ રાજયના નાયબ મુખ્યમંત્રી તથા નાણામંત્રી નીતિનભાઇ પટેલે ગુજરાત બજેટ મોબાઇલ એપ્લીકેશનમાં લોંચ કર્યુ છે.જેમાં બજેટના દિવસે આ મોબાઇલ એપ્લીકેશન પર તમામ અપડેટ મળી રહેશે અને ગુજરાતના બજેટસંબંધી અત્યારસુધીની તમામ માહિતી પણ આ એપ્લીકેશન પર મળશે.આમ નાણામંત્રી નીતિન પટેલે જણાવ્યું હતું કે ગુજરાતનું બજેટ પૂર્ણ રીતે ડીજીટલ હોય તેવું જોવા માંગીએ છીએ અને તેનાથી હજારો ટન કાગળનો વપરાશ ઘટશે.જ્યારે દરેક સભ્યોને તેમના મોબાઇલમાં આ એપ્લીકેશન મારફત બજેટ માહિતી અપડેટ થતી રહેશે અને લેપટોપમાં બજેટ જોવા માટે સરકાર દ્વારા ધારાસભ્યોને પેનડ્રાઇવમાં પણ બજેટ અપાશે.
