રાજ્યમાં ગરમીનો પારો સતત વધી રહ્યો છે.ત્યારે રાજ્યના મોટાભાગના શહેરમાં 40 ડિગ્રીથી વધુ તાપમાન જોવા મળે છે.જેને લઈ હવામાન વિભાગે આગાહી કરી છે.જેમાં રાજ્યમાં આવનારા 5 દિવસ દરમિયાન ગરમીનો પારો 42 ડિગ્રી પાર કરી શકે છે.તેમજ આજથી 2 દિવસ સુધી સૌરાષ્ટ્ર-કચ્છમાં હવામાન વિભાગની હીટવેવની આગાહી કરવામાં આવી છે.આમ અમદાવાદ સહિત 8 શહેરોમાં સરેરાશ મહત્તમ તાપમાનનો પારો 39 ડિગ્રીને પાર થયો છે,જ્યારે ભૂજમાં સૌથી વધુ 42.4 ડિગ્રી તાપમાન નોંધાયું હતું.
જ્યારે આગામી 3 દિવસ સુધી અમદાવાદમાં તાપમાનનો પારો 40 થી 41 ડિગ્રીની વચ્ચે રહે તેવી સંભાવના છે.આમ અમદાવાદમાં છેલ્લા 7 વર્ષથી એપ્રિલ મહિનામાં મહત્તમ તાપમાન 43 ડિગ્રીને પાર પહોંચી ગયું છે.ત્યારે એપ્રિલના બીજા અઠવાડિયામાં શહેરમાં કાળજાળ ગરમી પડી શકે છે.ત્યારે રાજ્યના અન્ય શહેરોમાં સુરેન્દ્રનગરમાં 41.5 ડિગ્રી,રાજકોટ-કંડલામાં 41.2 ડિગ્રી,ડીસામાં 41 ડિગ્રી,અમરેલીમાં 40.5 ડિગ્રી, કેશોદમાં 40.1 ડિગ્રી,વડોદરામાં 38.6 ડિગ્રી,સુરતમાં 32.3 ડિગ્રી,ગાંધીનગરમાં 38.5 ડિગ્રી જેટલું તાપમાન નોંધાયું હતું.
